ئاياللار پەۋقۇلاددە فىزىئولوگىيىلىك، پىسخىكىلىق ئالاھىدىلىككە ئىگە بولغانلىقتىن، ئۆز ئۆمرىدە دائىم ئۇيقۇ مەسىلىسىگە دۇچار بولىدۇ، ئاياللارنىڭ ياخشى ئۇخلىيالماسلىقنى كۆپ خىل سەۋەبلەر كەلتۈرۈپ چىقىرىدۇ، ئۇلارنىڭ ئىچىدە دائىم كۆرۈلىدىغان سەۋەبلەر تۆۋەندىكىلەردىن ئىبارەت.

ھورمۇن ئاجرىتىشنىڭ قالايمىقانلىشى: 

ئاياللار ھەيز مەزگىلى، ھامىلدارلىق مەزگىلى ۋە كىلىماكتېرىيە مەزگىلنى بېشىدىن ئۆتكۈزىدۇ. ئورگانىزمدىكى ئانىلىق ھورمون ۋە ھامىلىنىڭ ھورمۇن سەۋىيەسىدىكى ئۆزگىرىشلەر ئۇيقۇغا تەسىر كۆرسىتىدۇ، ئادەتتە ھەيز كېلىشتىن بۇرۇن، بولۇپمۇ ھەيز مەزگىلىدە بەك ھارغىنلىق ھېس قىلىپ ئۇيقۇ بېسىپ تۇرسىمۇ ئەكسىچە ئۇيقۇ سۈپىتى ياخشى بولمايدۇ. بۇنىڭ سەۋەبى، ئاياللار تۇخۇم چىقارغاندا مەركىزىي بەدەن تېمپېراتۇرىسى، لۇتېئېننىڭ ئېشىشىغا ئەگىشىپ ئۆرلەپ كېتىدۇ-دە، مېڭە مېتابولىزمنىڭ فىزىئولوگىيىلىك سائىتىگە تەسىر كۆرسىتىپ، ئۇيقۇ ھالىتىنى ئۆزگەرتىۋېتىدۇ. ھامىلدار بولۇپ بىر ئايدىن ئۈچ ئايغىچە ۋاقىتتا ئورگانىزمدىكى پروگېستېرون سەۋىيىسى ئېشىپ، ھامىلدار ئاياللاردا چارچاش تۇيغۇسى پەيدا قىلىپ كېچىدىكى كىچىك تەرەت قېتىم سانىنى كۆپەيتىۋېتىدۇ-دە، ئۇيقۇنىڭ قالايمىقانلىشىشنى كەلتۈرۈپ چىقىرىدۇ. ھامىلدار بولۇپ 4 ئايدىن 6 ئايغىچە بولغان ۋاقىتتا، پروگېستېرون سەۋىيىسىنىڭ ئۆرلەش ھالىتى پەسكويغا چۈشۈپ، ھامىلدار ئايالنىڭ ئۇيقۇ سۈپىتى ئالدىنقى ئۈچ ئايدىكىگە قارىغاندا ياخشىلىنىشقا باشلايدۇ. لېكىن ھامىلدار بولۇشتىن ئىلگىرىكىگە سېلىشتۇرغاندا ناچار بولىدۇ. ئاياللار كىلىماكتېرىيە مەزگىلگە قەدەم قويغان ھامان ئۇيقۇسىزلىق بىرخىل دائىملىق ھادىسە بولۇپ قالىدۇ. تەكشۈرۈشكە قارىغاندا، ھەيز كېسىلىگە ئاياللارنىڭ تەڭدىن يېرىمىدا ئۇيقۇسىزلىق ئالامىتى بولىدىكەن. چۈنكى، ھەيز كېسىلگەندىن كېيىن بەدەن ساپاسىدا ئۆزگىرىش بولىدىكەن. ئەگەر ھەيز كېسىلگەن ئاياللاردا ئىچى تىتىلداش ياكى جىمغۇرلۇق كېسىلى بولسا تېخىمۇ ئۇيقۇسى كەلمەيدىكەن.

ھېسسىيات جەھەتتە زىيادە ئىنچىكە بولۇپ كېتىش: ئاياللار ئىنچىكە، مۇكەممەللىكنى قوغلىشىش، ھېسسىيات جەھەتتە نازۇك بولۇش قاتارلىق پىسخىك ئالاھىدىلىككە ئىگە بولغاچقا، ئۇلاردا ئاسانلا ئۇيقۇسىزلىق ئەھۋاللارنى كەلتۈرۈپ چىقىرىدۇ. ئاياللار ھېسسىياتقا باي، ھېسسىياتقا بولغان ئىنكاسى ئىنچىكە، سەزگۈر بولىدۇ. شۇڭا، ئوڭايلا ھەر خىل خىيال ۋە ئەندىشىلەردە بولىدۇ. مانا بۇ ئاياللارنىڭ ئۇخلىيالماسلىقنى كەلتۈرۈپ چىقىرىدىغان ئامىل ھېسابلىنىدۇ.

باشقا سەۋەبلەر: بېسىم، كېسەللىك، يېمەك- ئىچمەك، تۇرمۇش شەكلى قاتارلىقلار.