كىرئالغۇ باكتېرىيە تارقىتىدۇ: كىرائالغۇدا كىر يۇيۇش جەريانى ئەمەلىيەتتە مەلۇم خىل باكتېرىيەنىڭ كېيىنكى نۆۋەتتە يۇيۇلغان كىيىم كېچەكلىرىگە ئۆتۈش جەريانى ھېسابلىنىدۇ. شۇڭا ئەڭ ياخشىسى ئىچ كىيىملىرى بىلەن باشقا كىيىملەرنى ئايرىپ يۇيۇپ، كىيىم-كېچەكلەرنىڭ گىرەلەشمە يۇقۇملىنىشنىڭ ئالدىنى ئېلىش كېرەك.

كېچىلىك سىمېنا ئاياللارنىڭ ئۆسمىگە گىرىپتار بولۇش خەۋپىنى ئاشۇرۇۋېتىدۇ: ئۇزۇن مۇددەت كېچە بىلەن كۈندۈز ئالماشقان تۇرمۇش شەكلى ئورگانىزم ھاياتلىق رېتىمىنى قالايمىقانلاشتۇرۇپ، نېرۋا ئىچكى ئاجرىتىش سىستېمىسىنىڭ ئىقتىدارىنى بۇزۇپ، ئانىلىق ھورمۇن، ھامىلدارلىق ھورمۇنىنى تەڭپۇڭسىزلاشتۇرۇپ، بالىياتقۇ مۇسكۇل ئۆسمىسى،بالىياتقۇ ئىچكى پەردە راكى، سۈت بېزى راكىنى كەلتۈرۈپ چىقىرىدۇ.

ئۇپا تۇخۇمدان راكنى پەيدا قىلىدۇ: ئۇپا تەركىبىدىكى تالىك پاراشوكى ماگنىي ئوكسىد، سىلتسىي ئوكسىد، ماگنىي سىلىكاتنىڭ بىرىكىشىدىن تۈزۈلگەن ئانئورگانىك خىمىيىۋى تەركىب. ئۇنىڭ تەركىبىدىكى ماگنىي سىلىكات تاشپاختادۇر. تاشپاختا ناھايىتى ئاسان راك پەيدا قىلىدۇ، شۇڭا ئامال بار ئىشلەتمەسلىك كېرەك.

قەغەز سېلىنچىنىڭ ئاياللار كېسەللىكىنى پەيدا قىلىش خەۋپى چوڭ: ئۇزۇن مۇددەت قەغەز سېلىنچا ئىشلەتكەندە ئەۋرەتدىكى ھاۋا ئۆتۈشۈش ياخشى بولماي،يۇقۇملىنىشنى كەلتۈرۈپ چىقىرىدۇ، ئۇنىڭدىن سىرت قارىماققا قولايلىق كۆرۈنگەن ئادەت قەغىزىنىڭمۇ ئاياللار كېسەللىكىگە گىرىپتار قىلىش خەۋپى چوڭ بولىدۇ.

يۇيۇش سۇيۇقلۇقى ئاياللار كېسەللىكنى كەلتۈرۈپ چىقىرىدۇ: جىنسىي يولنى يۇيۇش سۇيۇقلۇقىنى دائىم ئىشلەتكەندە جىنسىي يولدىكى مىكرو ئېكولوگىيىلىك مۇھىتتا ئۆزگىرىش يۈز بېرىپ، كېسەللىك پەيدا قىلغان باكتېرىيەلەر كۆپىيىپ كېتىدۇ، ھەتتا بالىياتقۇ ئىچكى پەردە ياللۇغىنى پەيدا قىلىدۇ.

ئارشاڭغا چۈشكەندە جىنسىي يول ياللۇغىدىن ئېھتىيات قىلىڭ: ئارشاڭغا چۈشۈش ۋاقتى بەك ئۇزۇن بولسا يۇقىرى تېمپېراتۇرىلىق ئارشاڭ سۈيى جىنسىي يولنىڭ كىسلاتا- ئىشقارلىق دەرىجىسىنى بۇزغۇنچىلىققا ئۇچرىتىپ، ناھايىتى ئاسانلا يۇقۇملۇق كېسەللىكلەرنى پەيدا قىلىدۇ. بۇنىڭدىن سىرت،جىنسىي يول ياللۇغى يۇقۇملۇق بولۇپ، ناۋادا جىنسىي يولى يۇقۇملانغان ئايال بىلەن بىرگە ئارشاڭغا چۈشكەندە ساغلام ئايالمۇ يۇقۇملىنىشى مۇمكىن.