تەركىبى: قىزىل ئۈزۈم سۈيى 10 كىلوگرام، قوي گۆشى 1000 گرام، كۆك كەپتەر باچكىسى 2 دانە، كەكلىك بىر دانە، قوۋزاقدارچىن 20 گرام، توم زەنجىۋىل 20 گرام، شاقاقۇل 20 گرام، بەسباسە 20 گرام، جۇزام 20 گرام، خولىنجان 20 گرام، زورەمبات 20 گرام، ئارپىبەدىيان 40 گرام، زىرە 40 گرام، ئاقىرقەرھا ھىندى 20 گرام، ئادەمگىياھ يىلتىزى 20 گرام، زەپەر 10 گرام.

تەييارلىنىشى: ئۈزۈم سۈيىگە چىلانغان دورىلارنى قوشۇپ 7 كلوگرام قالغۇچە قاينىتىپ تەمىنى ئېلىپ تىرىپلىرىنى سىقىپ سۈزۈۋېتىپ، قوي گۆشى، كەپتەر گۆشى، كەكلىك گۆشىنى ئۇششاق توغراپ ئارىلاشتۇرۇلىدۇ. ئاندىن كېيىن زەپەرنى يۇمشاق سوقۇپ ئارىلاشتۇرۇپ، سىرلىق ياكى ئەينەك قاچىغا ئېلىپ تومۇز ئىسسىقتا 12 كۈن تۇرغۇزۇپ تەييارلىنىدۇ. 

تەسىرى: يۈرەك، مېڭە، ئومۇمىي بەدەننى قۇۋۋەتلەش، قان كۆپەيتىش، ئومۇمىي بەدەن ئاجىزلىقتىن بولغان ھەرخىل كېسەللىكلەر ئۈچۈن ئىشلىتىلىدۇ. 

ئىشلىتىش مىقدارى: ئەھۋالغا قاراپ بىر كۈندە ئىككى قېتىم 50-100 گرامغىچە ئىستېمال قىلىنىدۇ.