ئۇرۇقدان ئۆزىگە كېلىپ قويۇلغان قانلاردىن مەنىي ئىشلەپ چىقىرىدۇ. ئۇلارنىڭ ئىسسىق مىزاجى بولۇش ئەركەكنىڭ جىنسىي قۇۋۋىتىنى ئاشۇرىدۇ. ئىسسىق مىزاجلىق بەلگىسى شۇكى، ئەۋرەت ئەتراپىدا تۈك قويۇق بولۇش، ئۇنى قىرغاندا يەنە تېز ئۆسۈپ چىقىش، شەھۋەتكە بەكلا مايىل بولۇش، كۆپ بالىلىق ۋە كۆپ ئوغۇل پەرزەنتلىك بولۇش قاتارلىقلاردۇر. 

ئۇرۇقدىنى سوغۇق مىزاجلىق كىشىلەرنىڭ بەلگىسى بولسا، دوۋسۇن يەنى ئەۋرەت ئەتراپىدىكى تۈك ئاز ۋە يۇمشاق بولۇش، قىرغاندىن كېيىن ئاستا ئۆسۈپ چىقىش، شەھۋانى ھېرىسنىڭ ئاجىز بولۇشى ۋە كۆپ قىز پەرزەنتلىك بولۇشتۇر. ئۇرۇقدان مىزاجىنىڭ سوغۇق بولۇشىنىڭ ئالامىتى مەنىينىڭ كۆپ ۋە سۇيۇق بولۇشىدۇر. ئىسسىق مىزاجلىقنىڭ بەلگىسى بولسا مەنىينىڭ ئاز ۋە قويۇق بولۇشىدۇر. ئۇرۇقداندا ئىسسىقلىق ۋە قۇرۇقلۇق بىرلەشسە مەنىي قويۇق، كۆپ شەھۋەتلىك ۋە كۆپ بالىلىق بولىدۇ. بۇ خىل ئىسسىق مىزاج ئادەمگە جىنسىي يېقىنچىلىق ھېچقاچان زەرەر كەلتۈرمەيدۇ. سوغۇق مىزاجلىق كىشىنىڭ ئەھۋالى بۇنىڭ ئەكسىچىدۇر. ئەمما مىزاجىنىڭ قۇرۇق ۋە ئىسسىقلىقى مۆتىدىل بولغىنى ياخشىدۇر. ئەگەر مىزاجدا قۇرۇقلۇق ياكى نەملىك يۇقىرى ياكى تۆۋەن دەرىجىدە بولسا جىنسىي قۇۋۋەت سۇس بولىدۇ. جىنسىي قۇۋۋەتنى ئاشۇرىدىغان داۋالاش ئىككى خىل بولىدۇ. بىرىنچىسى، مەنىينى كۆپەيتىدىغان دورىلار. ئىككىنچىسى، ھارارەتنى ئاشۇرۇپ، مۆتىدىل مىزاجغا كەلتۈرىدىغان دورىلاردۇر. لېكىن جىنسىي قۇۋۋەتنىڭ يوقلۇقىغا ئالەتنىڭ (زەكەر) پالەچلىكىمۇ سەۋەب بولىدۇ.