خەنزۇچە نامى: 青果  ياكى 橄榄

تونۇش: بۇ زەيتۇن دەرىخى ئائىلىسىدىكى دائىم كۆكىرىپ تۇرىدىغان، ئىگىزلىكى 10 مېتىردىن ئاشىدىغان، غولى تۈز دەرەخ بولۇپ، بۇ دەرەخنىڭ مېۋىسى <زەيتۇن مېۋىسى>، ئۇنىڭ مېغىزىدىن ئېلىنىدىغان ياغ <زەيتۇن يېغى> نامىدا دورىغا ئىشلىتىلىدۇ.

تەبىئىتى: ھۆل ئىسسىق

شىپالىق رولى: قىزىتما قايتۇرۇش، تەرلىتىش خۇسۇسىيىتىگە ئىگە.

ئىشلىتىلىدىغان كېسەللىكلەر: كاناي ياللۇغى، ئۇسسۇزلۇق، باكتېرىيىلىك تولغاق، قىزىل داغ، ھۆل تەمرەتكە، تېرە ياللۇغى قاتارلىقلارغا ئىشلىتىلىدۇ.

ئىشلىتىش ئۇسۇلى: يېڭى زەيتۇن مېۋىسىدىن 100 گرام ئېلىپ، ئۇنىڭغا 100 مىللىلىتىر سۇ قويۇپ سۇس ئوت بىلەن 2-3 سائەت قاينىتىلىدۇ، ئاندىن بۇنىڭ سۈيىدىن ھەر قېتىم 20-30 مىللىلىتىردىن ھەر كۈنى ئۈچ-تۆت قېتىم ئىچكۈزۈلسە باكتېرىيەلىك تولغاق ئوڭشۇلىدۇ. زەھەر بولغاندا قايناتمىسى يەنە بىر ھەسسە سۇيۇقلاندۇرۇپ ئۈچەيگە كىرگۈزۈلىدۇ. خام زەيتۇن مېۋىسىدىن 1000 گرامغا 1000 مىللىلىتىر سۇ قوشۇپ سۇس ئوتتا قاينىتىپ سۈزۈپ سۈيىنى چاپسا ئۇرۇقدان خالتا يارىسى، ئاياللار جىنسىي ئەزاسى يارىسى ۋە سىرغىما سۇلۇق قىزىل داغ، ھۆل تەمرەتكە، تېرە ياللۇغى قاتارلىقلارغا پايدا قىلىدۇ.

ئىشلىتىش مىقدارى: 4-9 گرام.

چىقىش ئورنى: ئېلىمىزنىڭ دېڭىز بويلىرى رايونلىرىدىن چىقىدۇ.