خەنزۇچە نامى:郁金

ئەرەپچە نامى: زۆرەنباد

تونۇش: بۇ زەنجىۋىل ئائىلىسىدىكى ئۆسۈملۈك زەرچىۋە، زۇرۇمباد ياكى بۇزۇغىنىڭ تۈگۈنەك يىلتىزىدىن ئىبارەت بولۇپ، <زۇرۇمبات> نامىدا دورىغا ئىشلىتىلىدۇ.

تەبىئىتى: ئىككىنچى دەرىجىدە قۇرۇق ئىسسىق.

شىپالىق رولى: توسالغۇلارنى ئېچىش، كۆڭۈلگە خۇشلۇق يەتكۈزۈش، يۈرەك، مېڭە، ئاشقازاننى قۇۋۋەتلەش، ئىشتىھانى ئېچىش، يەل يوقىتىش، بەدەننى سەمرىتىش، چىرىشكە قارشى تۇرۇش، سۈيدۈك ۋە ھەيزنى راۋان قىلىش خۇسۇسىيىتىگە ئىگە.

ئىشلىتىلىدىغان كېسەللىكلەر: بەلغەم مەنبەلىك يۆتەل، روھىي كېسەللىكلەر، يۈرەك قوزغاش، يەل مەنبەلىك بالىياتقۇ ياللۇغى، بالىلاردىكى تولغاق، ئىچ سۈرۈش، قورساق ئېسىلىش، ئىشتىھاسىزلىق، ھەزىمنىڭ ناچارلىقى قاتارلىقلارغا ئىشلىتىلىدۇ.

ئىشلىتىش ئۇسۇلى: بۇنىڭدىن بىر گرام مىقداردىكى سۇفۇپىنى ئىستىمال قىلسا يۇقىرىقى كېسەللەرگە پايدا قىلىدۇ، مۇرەككەپ دورا نۇسخىلىرىغا قوشۇپ ئىچكى تەرەپتىن ئىشلىتىلىدۇ، بۇنى ئېزىپ سوغۇقتىن بولغان ئىششىقلارغا چېپىلسا ئىششىقلارنى تارقىتىپ ئاغرىق پەسەيتىدۇ.

ئىشلىتىش مىقدارى: 2-4 گرام.

زىيانلىق تەسىرى: يۈرەككە زىيان قىلىدۇ.

تۈزەتكۈچىسى: بىنەپشە.

ئورۇنباسارى: بوزىدان، دۇرنەج ئەقرەبى

چىقىش ئورنى: ئېلىمىزنىڭ سىچۈەن ئۆلكىسىدىن چىقىدۇ.