خەنزۇچە نامى:神香草

تونۇش: بۇ كالپۇكسىمان گۈللۈكلەر ئائىلىسىدىكى كۆپ يىللىق سامان غوللۇق ئۆسۈملۈك زۇپانىڭ پۈتۈن چۆپىدىن ئىبارەت بولۇپ، بۇ ئۆسۈملۈكنىڭ پۈتۈن چۆپى <زۇپا> نامىدا دورىغا ئىشلىتىلىدۇ.

تەبىئىتى: ئىككىنچى دەرىجىدە قۇرۇق ئىسسىق.

شىپالىق رولى: بەلغەم بوشىتىش، ئىششىقلارنى تارقىتىش، تەرلىتىش، يەل ھەيدەش، تېرىگە رەڭ بېرىش خۇسۇسىيىتىگە ئىگە.

ئىشلىتىلىدىغان كېسەللىكلەر: زىققە، بەلغەملىك يۆتەل، كۆكرەك پەردە ياللۇغى، ئۆپكە ياللۇغى، قىزىتما، نەزلە، زۇكام قاتارلىقلارغا ئىشلىتىلىدۇ.

ئىشلىتىش ئۇسۇلى: قاينىتىپ ئىچكۈزۈلىدۇ، زۇپادىن شەربەت تەييارلاپ ئىشلىتىلسە، يۇقىرىقى كېسەللەرگە پايدا قىلىدۇ، زۇپانى ھەسەل، سۇزاپ بىلەن قاينىتىپ ئىچكۈزۈلسە ئۆپكىنىڭ ئىسسىقتىن بولغان ياللۇغلىرى، كونا يۆتەل قاتارلىقلارغا پايدا قىلىدۇ. ئۈچەيدىكى قۇرتلارنى چىقىرىدۇ.

ئىشلىتىش مىقدارى: 3-9 گرام.

زىيانلىق تەسىرى: جىگەرگە زىيانلىق

تۈزەتكۈچىسى: ئاچچىق ئانار، سەرپىستان.

ئورۇنباسارى: پىرسىياۋشان، مەرزەنجۇش، سۆئتەر

چىقىش ئورنى: ئىران، پەلەستىن، ئەرەبىستان قاتارلىق ئەللەردىن چىقىدۇ.