خەنزۇچە نامى: 肥皂

تونۇش: بۇ ماينى كۈچلۈك ئۇيۇغۇچى شاخارلار بىلەن قاينىتىش ئارقىلىق تەييارلىنىدىغان، تۇرمۇشتا ئىشلىتىلىدىغان بۇيۇم بولۇپ <سۇپۇن> ياكى <سابۇن> نامىدا دورىغا ئىشلىتىلىدۇ. رەڭگى ئاق سېرىق رەڭگە مايىل كېلىدۇ.

بۇ يەردە ھەقىقىي ساپ، خىمىيىلىك ماددىلار قوشۇلمىغان سوپۇننى دىمەكچى (كۇچا سوپۇنىدەك)

تەبىئىتى: ئۈچىنچى دەرىجىدە قۇرۇق ئىسسىق.

شىپالىق رولى: ماددىلارنى پىشۇرۇش، كىرلارنى تازىلاش، ئىششىقلارنى يۇمشىتىش، جاراھەتلەردىكى چىرىگەن گۆشنى يوقىتىش، بەدەننى پارقىرىتىش خۇسۇسىيىتىگە ئىگە.

ئىشلىتىلىدىغان كېسەللىكلەر: بوغۇم ئاغرىقى، يانپاش ئاغرىقى، باشتىكى ھەرخىل چاقا-جاراھەتلەر، قىچىشقاق، قوتۇر، قەۋزىيەت، ناسۇر قاتارلىقلارغا ئىشلىتىلىدۇ.

ئىشلىتىش ئۇسۇلى: مۇۋاپىق ھالدا قائىدە بويىچە يېيىلسە ھامىلە بولۇشنى توسىدۇ. داكىغا ئوراپ بالىياتقۇ ئېغىزىغا قويسا، ئۆلۈك ياكى تىرىك بولسۇن قورساقتىكى ھامىلىنى چۈشۈرىدۇ، خېنە بىلەن باراۋەر مىقداردا چاپسا تىز ئاغرىقى، يانپاش ئاغرىقى، قارا داغ، سەپكۈنلەرگە مەنپەت قىلىدۇ. كۆيدۈرۈلگەن ئاق زاك بىلەن چاپسا قۇبا كېسىلىگە پايدا قىلىدۇ. گۈل يېغى بىلەن پىشۇرۇپ چاپسا كىچىك بالىلارنىڭ بېشىدىكى چاقىلارنى قۇرۇتىدۇ (بۇنىڭ ئۇسۇلى مۇنداق: بالىلارنىڭ بېشىغا چېپىپ بىر قانچە كۈن قويۇپ ئاندىن ئىسسىق سۇ بىلەن يۇيۇپ يەنە قايتا چېپىش كېرەك). بۇ ھەقتە سوپۇن مۇھىم دورىلار قاتارىدا تۇرىدۇ. سوپۇننى كەپتەرنىڭ مايىقى ۋە ھاك بىلەن مەلھەم قىلىپ چاپسا كودۇمبا چاقىلىرىنى ئېغىز ئالدۇرىدۇ. سوپۇن بىلەن باشنى يۇسا باشنىڭ كىرلىرىنى، پىتلىرىنى ئۇششاق مودۇرلارنى يوق قىلىدۇ، چاچنى بۈدۈرە قىلىدۇ. لوئابلار بىلەن چاپسا قىچىشقاق ۋە قوتۇر ئۈچۈن پايدا قىلىدۇ، ئەگەر مۇناسىپ دورىلار بىلەن شىياف قىلىپ مەقئەتكە قويسا خام خىلىتلارنى سۈرىدۇ. ئىچىنى يۇمشىتىپ راسان قىلىدۇ. مەقئەتتىكى ئۇششاق قۇرتلارنى چىقىرىدۇ (بۇلۇپمۇ كىچىك بالىلارنىڭ). بۇنى ساپال قاچىغا سېلىپ كۆيدۈرۈپ، ئېزىپ ئاندىن ناسۇر چاقىسىنى ئىسسىق سۇ بىلەن پاكىز يۇيۇپ قۇرۇتۇپ مەزكۇر كۆيدۈرۈلگەن سوپۇن سۇفۇپىنى سەپسە ناسۇر چاقىسىنى ساقايتىدۇ.

ئىشلىتىش مىقدارى: بۇ دورىنى ئىچكى تەرەپتىن ئىشلىتىش توغرا كەلسە ئالتە گرامغىچە ئىشلىتىش بىلەنلا چەكلىنىدۇ.

زىيانلىق تەسىرى: ئىمكار بار ئىچكى تەرەپتىن ئىشلەتمەسلىك كېرەك. بۇنى كۆپ مىقداردا ئىچكى تەرەپتىن ئىشلەتسە گالنى، ئاشقازاننى كۆيدۈرىدۇ. ئىچىنى قاتتىق سۈرىدۇ، ئىچكى ئەزاغا يىرىڭلىق چاقا ۋە ئۈششۈك پەيدا قىلىدۇ.

تۈزەتكۈچىسى: ئىسسىق سۇ ۋە كۈنجۈت يېغى بىلەن قۇستۇرۇش، ئاندىن ياغلىق شورپا ياكى بادام يېغى بېرىش.

ئورۇنباسارى: ھاك، شاخار.

چىقىش ئورنى: شىنجاڭ ۋە باشقا رايونلاردىن چىقىدۇ.