تونۇش: بۇ شور داريادا ياشايدىغان سەرتان بەھرىگە ئوخشايدىغان بىر خىل سۇ جانىۋارى بولۇپ ئۇ ئىككى خىل بولىدۇ. بىرى، داۋاملىق دەريادا تۇرسا يۇمشاق تۇرىدۇ، دەريادىن چىقىرىلغاندىن كېيىن ھاۋا بىلەن ئۇچرىشىش بىلەنلا تاشتەك قاتىدۇ، چوڭلۇقتا سەرتان بەھرىنىڭ چوڭلۇقىدەك كېلىدۇ. ئۇ بىر ئاز كىچىكرەك، ئاق، يۇمشاق كېلىدۇ، ئۇنىڭ يەنە بىرى سەرتان بەھرىگە ئوخشىمايدۇ، لېكىن بەك ئاق كېلىدۇ، ئاياللار قۇلىقىغا سالىدىغان زىرىگە ئوخشايدۇ.

تەبىئىتى: قۇرۇق سوغۇق.

شىپالىق رولى: كۆرۈش قۇۋىتىنى ئاشۇرۇش، ھۆللۈكنى قۇرۇتۇش خۇسۇسىيىتىگە ئىگە.

ئىشلىتىلىدىغان كېسەللىكلەر: كۆرۈش قۇۋۋىتى ئاجىزلىقى، قاپاق ساڭگىلاش، كۆزگە سۇ چۈشۈش، داغ، سەپكۈن قاتارلىقلارغا ئىشلىتىلىدۇ.

ئىشلىتىش ئۇسۇلى: سەرتان بەھرىنىڭ كۆيدۈرۈلگىنىنى مىفەن بىلەن يۇمشىتىپ كۆزگە تارتسا كۆز ھۆللۈكنى يوقىتىدۇ. كۆرۈش قۇۋۋىتىنى ئاشۇرۇپ، كۆزنى روشەن قىلىدۇ، ئېزىپ چېپىلسا بەدەندىكى داغ، سەپكۈنلەرنى يوقىتىدۇ.

ئىشلىتىش مىقدارى: سىرتقى تەرەپتىن مۇۋاپىق مىقداردا ئىشلىتىلىدۇ، ئەمما ئىچكى تەرەپتىن ئىشلىتىلمەيدۇ، ئەگەر ئىشلىتىلسە ئادەمنىڭ ھاياتىغا خەۋپ يېتىدۇ.

زىيانلىق تەسىرى: زەھەرلىك.

چىقىش ئورنى: ھىندى دېڭىزىدىن چىقىدۇ.