خەنزۇچە نامى:麦芽

تونۇش: بۇ باشاقلىقلار ئائىلىسىدىكى بىر يىللىق سامان غوللۇق ئۆسۈملۈك ئارپىنىڭ دېنىنى سۇدا پاكىز يۇغاندىن كېيىن سۈزۈۋېلىپ، سېۋە ياكى ياغاچ ساندۇقنىڭ ئىچىگە سېلىپ ئاغزىنى بېسىپ پات-پات سۇ چېچىپ تۇرۇپ، دان 0.5-1 سانتىمېتىر ئۈنۈپ چىققاندا ئېلىپ ئاپتاپتا قۇرۇتۇپ، سارغايغۇچە ياكى قارايغۇچە قورۇپ تەييارلىنىدىغان بىر خىل ئارپا ئۈندۈرمىسىدۇر.

تەبىئىتى: قۇرۇق ئىسسىق.

شىپالىق رولى: ھەيزنى تەڭشەش، ئاشقازاننى قۇۋۋەتلەش، ئاشقازاننىڭ چىڭلىقىنى بوشىتىش، ھەزىمنى ياخشىلاش ۋە سۈتنى كېسىش خۇسۇسىيىتىگە ئىگە.

ئىشلىتىلىدىغان كېسەللىكلەر: سېسىق كېكىرىش، قورساق كۆپۈش، ئىشتىھاسىزلىق، ھەيز نورمال بولماسلىق، سۈت كۆپىيىپ كېتىش قاتارلىقلاردا ئىشلىتىلىدۇ.

ئىشلىتىش ئۇسۇلى: مۇناسىپ دورىلار بىلەن قوشۇپ ئىچىلىدۇ.

ئىشلىتىش مىقدارى: 3-4 گرام.

زىيانلىق تەسىرى: بالا ئېمىتىۋاتقان ياكى ھامىلدار ئاياللارنىڭ ئىشلىتىشى مەنئىي قىلىنىدۇ.

چىقىش ئورنى: يۇرتىمىزدىن چىقىدۇ.