خەنزۇچە نامى:水苦荬

تونۇش: بۇ چۇقا ئائىلىسىدىكى بىر ياكى ئىككى يىللىق سامان غوللۇق ئۆسۈملۈك سۇ يالپۇزى بولۇپ، بۇ ئۆسۈملۈكنىڭ پۈتۈن قىسمى <سۇ يالپۇزى> نامىدا دورىغا ئىشلىتىلىدۇ.

تەبىئىتى: ھۆل سوغۇق

شىپالىق رولى: ئىسسىقنى ياندۇرۇش، سۈيدۈكنى راۋان قىلىش، توسالغۇلارنى ئېچىش، قان توختىتىش، ئاغرىق پەسەيتىش، ئىششىق ياندۇرۇش قاتارلىق خۇسۇسىيەتكە ئىگە.

ئىشلىتىلىدىغان كېسەللىكلەر: گال ئىششىقى، قان قۇسۇش، قان تۈكۈرۈش، بۆرەك ئاجىزلىقىدىن بولغان بەل ئاغرىش، ئۇرۇلۇپ-سوقۇلۇشتىن بولغان زەخىملىنىش، ئاغرىتىپ ھەيز كېلىش، سوغۇقتىن بولغان زۇكام، رېماتىزىم ئاغرىقلىرى، ئاشقازان ئاغرىقى قاتارلىقلارغا ئىشلىتىلىدۇ.

ئىشلىتىش ئۇسۇلى: مۇناسىپ دورىلار بىلەن قاينىتىپ ئىچىلىدۇ.

ئىشلىتىش مىقدارى: 12-35 گرام.

چىقىش ئورنى: دەريا، ئۆستەڭ، ئېغىرىق بويلىرى ۋە سازلىقلاردا ئۆسىدۇ. رايونىمىزنىڭ ھەممە جايلىرىدىن تېپىلىدۇ.