خەنزۇچە نامى:小叶薄荷

تونۇش: بۇ كالپۇكسىمان گۈللۈكلەر ئائىلىسىدىكى كۆپ يىللىق سامان غوللۇق ئۆسۈملۈك كىچىك يوپۇرماقلىق سۈزە بولۇپ، بۇ ئۆسۈملۈكنىڭ يەر ئۈستى قىسمى <سۈزە> نامىدا دورىغا ئىشلىتىلىدۇ.

تەبىئىتى: ھۆل ئىسسىق

شىپالىق رولى: بەدەنگە ھۆللۈك يەتكۈزۈش، ئۇيقۇ كەلتۈرۈش، يۈرەك ھەرىكىتىنى ياخشىلاش، ئوزۇقلۇق تولۇقلاپ بەدەننى قۇۋەتلەش قاتارلىق خۇسۇسىيىتىگە ئىگە.

ئىشلىتىلىدىغان كېسەللىكلەر: ئۇيقۇسىزلىق، يۈرەك ئېغىش، سۆڭەك يۇمشاپ كېتىش (راخت كېسىلى)، ئەرلىك جىنسىي ئاجىزلىق قاتارلىقلاردا ئىشلىتىلىدۇ. بەزى ئورۇنلاردا سۈزىنى يالپۇز ئورنىدىمۇ ئىشلىتىدۇ.

ئىشلىتىش ئۇسۇلى: يەككە ھالەتتە ياكى باشقا دورىلار بىلەن قوشۇپ ئىشلىتىلىدۇ.

ئىشلىتىش مىقدارى: 20-24 گرام.

چىقىش ئورنى: پەس تاغلاردا، نەم يەرلەردە ئۆسىدۇ. شىنجاڭنىڭ تاغلىق رايونلىرىدىن چىقىدۇ.

قوشۇمچە: بۇ ئۆسۈملۈكنىڭ دورىلىق خۇسۇسىيىتى بىلەن دورا ئورنىدا ئىشلىتىش ئۇسۇلى تېپىلمىدى. كەسىپداشلارنىڭ بۇ ھەقتە يەنىمۇ ئىزدىنىپ تەتقىق قىلىشىنى ئۈمىد قىلىمىز.