خەنزۇچە نامى:蹂树果

تونۇش: بۇ سىر دەرىخى ئائىلىسىدىكى ئېگىزلىكى 6-8 مېتىر كېلىدىغان كىچىك دەرەخ ياكى چاتقال سۇماق بولۇپ، بۇ دەرەخنىڭ پىشاي دەپ قالغان قۇرۇق مېۋىسى <سۇماق> نامىدا دورىغا ئىشلىتىلىدۇ. بۇ ياپىلاق، يۇمىلاق شەكىللىك قۇرۇق مېۋە بولۇپ، سېرىقى خورما رەڭ ياكى قىزىل، سىلىق، قاتتىق، كەسمە يۈزى سارغۇچ ئاق رەڭلىك، مايلىشاڭغۇ، تەمى ئاچچىق كېلىدۇ. بۇ دەرەخنىڭ مېۋىسى ناھايىتى ياخشى يېمەكلىك ھېسابلىنىدۇ.

تەبىئىتى: ئىككىنچى دەرىجىدە ھۆل سوغۇق.

شىپالىق رولى: ھارارەت پەسەيتىش، ئاشقازانغا قۇۋۋەت بېرىش، قان توختىتىش، ئاغرىق پەسەيتىش، ئىچ سۈرۈشنى توختىتىش، ئۇسسۇزلۇقنى پەسەيتىش، قۇسۇشنى توختىتىش، سۈيدۈكنىڭ كۆپ كېلىشىنى ئازايتىش خۇسۇسىيىتىگە ئىگە.

ئىشلىتىلىدىغان كېسەللىكلەر: سۇماقنىڭ پوستى كۆپىنچە سەپراۋى كۆڭۈل ئېلىشىش، ئۇسسۇزلۇق، ئىچى سۈرۈش، تولغاق، كۆپ سىيىش قاتارلىقلارغا ئىشلىتىلىدۇ.

ئىشلىتىش ئۇسۇلى: يالغۇز ئۆزىنى ياكى مۇناسىپ دورىلار بىلەن قوشۇپ ئىچكۈزۈلسە تولا سىيىشنى توختىتىدۇ، چىشلارنى چىڭىتىدۇ ۋە ئاغرىق پەسەيتىدۇ. سۇغا چىلانغان سۈيى تېمىتىلسا كۆزدىن ياش ئاققانغا پايدا قىلىدۇ. دەسلەپكى مەزگىللەردىكى ئىششىقلارغا سۈرتۈلسە ماددىلارنى تارقىتىدۇ، بۇرۇن قاناشنى توختىتىش ئۈچۈن ئېزىپ پېشانىسىگە قويۇلىدۇ.

ئىشلىتىش مىقدارى: 3-5 گرام.

زىيانلىق تەسىرى: جىگەر ۋە ئاشقازان سوۋۇپ كەتكەنلەرگە زىيان قىلىدۇ.

تۈزەتكۈچىسى: مەستىكى، بەدىيان، رۇم بەدىيان.

ئورۇنباسارى: زىرىق، سىركە، ئاقاقىيا.

چىقىش ئورنى: پاكىستان، ئىران، تۈركىيە ۋە ئوتتۇرا ئاسىيا قاتارلىق ئەللەردىن چىقىدۇ.