ئاغرىتىپ ھەيز كېلىش ھەيز كەلگەن چاغدا بالىياتقۇ ئىچكى پەردىسى سويۇلۇپ، كۆپ مىقداردىكى ئاجراتمىلارنىڭ بالىياتقۇ مۇسكۇلىنىڭ قورۇلۇشىغا، قان يېتىشمەسلىككە سەۋەب بولۇشى تۈپەيلىدىن، دوۋسۇندىن يوتا ۋە غولغىچە كېڭىيىپ يامرايدىغان قاتتىق تارتىشىپ قېلىش خاراكتېرلىك ئاغرىشتىن ئىبارەت. 

ئاغرىتىپ ھەيز كېلىش كۆپىنچە ھەيزدىن ئاۋالقى 1-2 كۈندە ياكى ھەيز كەلگەن 1-2 كۈن ئىچىدە يۈز بېرىدۇ، ئۇنىڭغا ئەگىشىپ كۆرۈلىدىغان ئالامەتلەر ئەمچەك ئىششىش، كۆڭلى ئېلىشىش، يۈرىكى سىقىلىش، قىزىش، ئىچ سۈرۈش، باش ئاغرىش قاتارلىقلاردىن ئىبارەت، ھالبۇكى ئۇ ياش قىزلاردا كۆپرەك كۆرۈلىدۇ. 

ئاغرىتىپ ھەيز كېلىشنى ئىككى خىلغا ئايرىشقا بولىدۇ، بىرى، بىرلەمچى ئاغرىتىپ ھەيز كېلىش؛ بۇ بىمارنىڭ داس بوشلۇقىدىكى كۆپىيىش سىستېمىسىدا ئېنىق كېسەللىك ئۆزگىرىش ۋە سەۋەبى بولمىغان ئەھۋالدا پەيدا بولىدىغان ھەيز ئاغرىقىنى كۆرسىتىدۇ. يەنە بىرى بولسا ئىككىلەمچى ئاغرىتىپ ھەيز كېلىش بولۇپ، ئۇ ھەيز كەلگەن چاغدا، سويۇلۇپ چۈشكەن بالىياتقۇ ئىچكى پەردىسى توقۇلمىلىرىنىڭ بالىياتقۇ بوينىدىن ئۆتكەندە قاتتىق ئاغرىتىشىدىن بارلىققا كېلىدۇ؛ ھەيز ئاغرىتىپ كېلىش پەيدا قىلىش ئېھتىمالى بولغان كېسەللىك ئالامەتلىرىدىن بالىياتقۇ ئىچكى پەردىسىنىڭ غەيرىي ئورۇنلىشىشى، سوزۇلما داس بوشلۇقى ياللۇغى قاتارلىقلار بار. بۇنىڭدىن باشقا، ئادەتتىكى چاغلاردا ھەرىكەت قىلىش كەمچىل بولسا ياكى زىيادە چوڭ بېسىمغا ئۇچرىسىمۇ ئاغرىتىپ ھەيز كېلىشنىڭ دەرىجىسىنى ئېغىرلاشتۇرۇۋېتىدۇ. 

ھەيز ئاغرىقىنى يەڭگىللىتىش ئۈچۈن، ئادەتتىكى چاغلارد مۇۋاپىق ھەرىكەت قىلىپ بېرىپ بەدەننى بوشاشتۇرۇش، كېسەلگە قارشى تۇرۇش كۈچىنى ئاشۇرۇش ھەمدە ھەر دائىم خۇشال كەيپىياتنى ساقلاش، كەيپىياتنى تىزگىنلەشكە دىققەت قىلىش لازىم؛ يېمەك-ئىچمەك جەھەتتە، غىدىقلاش خۇسۇسىيىتىگە ئىگە خام، سوغۇق يېمەكلىكلەر، مەسىلەن، سوغۇق ئىچىملىك قاتارلىقلار ئاسانلا بەدەندە ئۆزگىرىش پەيدا قىلىدىغانلىقتىن، ئەڭ ياخشىسى ئۇلارنى يېمەسلىك ۋە ئىچمەسلىك لازىم. ھەيز كېلىۋاتقان مەزگىلدە ياغدا پىشۇرۇلغان، ئاچچىق يېمەكلىكلەرنى ئىستېمال قىلىشنى ئازايتسا كېسەللىك ئالامىتىنى پەسەيتىشكە ياردىمى بولىدۇ، لېكىن ئەگەر راستىنلا ئىنتايىن مىجەزى يوق بولۇۋاتقان بولسا، دوختۇردىن مەسلىھەت سوراش لازىم.

تولۇقلاشقا تېگىشلىك ۋىتامىن، مىنېرال ماددا

ۋىتامىن B1، ۋىتامىن B6، كالتسىي، سىنك، ماگنىي.

كۆپرەك ئوزۇقلىنىشقا تېگىشلىك يېمەكلىكلەر

قارا بۇغداي ئۇنى، سۆك، كوممىقۇناق، سېرىق پۇرچاق، قارا پۇرچاق، كانىماش، كۆك پۇرچاق، جاڭدۇ، دۇفۇ، قىزىل دېڭىز يۈسۈنى، بۇغداش، چۇپۇرشاڭ، موگۇ، خاسىڭ، ياڭاق، كۈنجۈت قىيامى قاتارلىقلار.