گلاس ئەڭ بالدۇر بازارغا كىرىدىغان مېۋىلەرنىڭ بىرى. گەرچە ئۇنىڭ مېۋىسى كىچىك بولسىمۇ، ئەمما رەڭگى قىپقىزىل ۋە پارقىراق، تەمى تاتلىق ئەمما سەل چۈچۈمەلكېلىدۇ، ئۇنى ھۆل پېتى ئىستېمال قىلىشقىمۇ، تۇزغا چىلاپ ياكى باشقا يېمەكلىكلەرنى زىننەتلەشكە ئىشلىتىپ ئىستېمال قىلىشقىمۇ بولىدۇ.

ئوزۇقلۇق تەركىبى ۋە رولى

گىلاس تەركىبىدە ۋىتامىن C، تۆمۈر بار.

دائىم گىلاس ئىستېمال قىلىپ بەرگەندە بەدەنگە ئېھتىياجلىق ئېلېمېنتلارنى تولۇقلاپ، قان قىزىل ئاقسىلىنىڭ قايتا ھاسىل بولۇشىنى ئىلگىرى سۈرىدۇ. بۇ ئارقىلىق ھەم تۆمۈر يېتىشمەسلىك خاراكتېرلىك قان ئازلىقنىڭ ئالدىنى ئالغىلى، ھەم چىراينى گۈزەللەشتۈرۈپ، تېرىنى ئېلاستىكلىققا ئىگە قىلغىلى، شۇنىڭ بىلەن بىللە بەدەننى كۈچەيتىپ، مېڭىنى ساغلاملاشتۇرغىلى بولىدۇ. 

گىلاس ئىچكى ئەزالارنى نورماللاشتۇرۇپ، قۇۋۋەتنى ئاشۇرۇش، تالنى ساغلاملاشتۇرۇپ، ئاشقازاننى ئىللىتىش، يەلنى، ھۆللۈكنى ھەيدەش رولىغا ئىگە بولۇپ، ئىشتىھاسىزلىق، ھەزىم قىلىش ناچارلىق، رېماتىزم ئاغرىقلىرى قاتارلىقلارغا پايدىلىق.

ئىستېمال قىلىشتا بىلىۋېلىشقا تېگىشلىك ئىشلار

گىلاس تەركىبىدە تۆمۈر كۆپ، ئۇنىڭ ئۈستىگە بەلگىلىك مىقداردا سىئانو فورىك گلىكوزىد بولغاچقا، ئەگەر كۆپ ئىستېمال قىلىنسا تۆمۈردىن زەھەرلىنىشنى ياكى ھىدروكسىدلاردىن زەھەرلىنىشنى كەلتۈرۈپ چىقىرىدۇ. گىلاس ئىستېمال قىلغاندا، ئەگەر يىنىك دەرىجىدە يېقىمسىزلىنىش كۆرۈلسە، شېكەر قۇمۇشى شىرنىسىدىن پايدىلىنىپ ئىسسىقنى ياندۇرۇپ، زەھەرنى قايتۇرسا بولىدۇ. 

گىلاسنىڭ تەبىئىتى ئىسسىق، شۇڭا ئىسسىق مىزاج كىشىلەر ۋە ئىسسىقتىن يۆتىلىدىغانلار گىلاس ئىستېمال قىلىشتىن پەرھىز تۇتۇشى لازىم.