دادۇرنىڭ قاسىراقلىق مېۋىسى چوڭ ھەم قېلىن، ئۇرۇقى تۇخۇمسىمان ياپىلاق كېلىدۇ. ئۇنى جاڭ چيەن غەربىي رايونغا بارغاندا ئوتتۇرا تۈزلەڭلىككە ئالغاچ كەلگەن. مىسىرلىقلارمۇ دادۇر يېيىشكە ئامراق، ئۇلارنىڭ زىياپەتتىكى ئەڭ ئاخىرقى بىرخىل قورۇمىسى تاتلىق يېمەكلىكلەر بولۇپ، دادۇر بۇلارنىڭ ئارىسىدىكى كەم بولسا بولمايدىغان بىرخىلىدۇر.

ئوزۇقلۇق تەركىبى ۋە رولى

دادۇرنىڭ تەركىبىدە ۋىتامىن C، ۋىتامىن B1، ۋىتامىن B2، شۇنىڭدەك كالتسىي، تۆمۈر، فوسفور، مانگان قاتارلىق مىنېرال ماددىلار بار. 

دادۇرنىڭ ئەستە تۇتۇش ئىقتىدارىنى كۈچەيتىش رولى بار. 

دادۇرنىڭ تەمى تاتلىق بولۇپ، قۇۋۋەتنى ئاشۇرۇپ، تالنى ساغلاملاشتۇرىدۇ، بەدەندىكى نەملىكنى سۈيدۈكنى راۋانلاشتۇرۇش ئارقىلىق چىقىرىۋېتىپ، ئىششىقنى ياندۇرىدۇ، شۇڭا ئۇ تىلى ئاجىزلاشقانلار، ئىچى سۈرۈپ كەتكەنلەرنىڭ ئىستېمال قىلىشىغا ئالاھىدە مۇۋاپىق كېلىدۇ. 

دادۇرنىڭ ئۈچەي راكىنىڭ ئالدىنى ئېلىشتا بەلگىلىك رولى بار، ئۇ يەنە ئارتېرىيىنىڭ قېتىشىشىنى كېچىكتۈرىدۇ. 

دادۇرنىڭ پوستى خولېستېرولنى تۆۋەنلىتىدۇ، ئۈچەينىڭ لۆمۈلدىشىنى ئىلگىرى سۈرىدۇ.

ئىستېمال قىلىشتا بىلىۋېلىشقا تېگىشلىك ئىشلار

تېنى زىيادە سېزىمچان كىشىلەر دادۇر ئىستېمال قىلسا ئوخشاش بولمىغان دەرىجىدىكى سەزگۈرلۈكى ئېشىپ كېتىش، ئۆتكۈر خاراكتېرلىك قان ئېرىش قاتارلىق زەھەرلىنىش ئالامەتلىرى كۆرۈلىدۇ. بۇنداق ئالامەتلەر ئادەتتە بىر قانچە كۈن ئىچىدە نورمال ھالەتكە كېلىدۇ، ئەمما ئوندىن بىر كېسەل ئۆتكۈر مەگىلىدە ئۆلۈپمۇ كېتىدۇ. مانا بۇ ئادەتتە دېيىلىدىغان «دادۇردىن زەھەرلىنىش كېسىلى»دۇر. 

بۇ خىل كېسەللىك پەيدا بولغاندا، تېزدىن دوىتۇرغا كۆرۈنۈپ داۋالىنىپ، كۈتۈلمىگەن ئەھۋاللارنىڭ ئالدىنى ئېلىش لازىم. ئاتا-ئانىسى ياكى بوۋا-مومىلىرىدا بۇ خىل كېسەللىك كۆرۈلگەن كىشىلەر دادۇر ۋە ئۇنىڭدىن ئىشلەنگەن يېمەكلىكلەرنى ئىستېمال قىلماسلىقى، دادۇر گۈل چىڭى بىلەن ئۇچراشماسلىقى لازىم.

دادۇرنى خام يېيىشكە بولمايدۇ، خام دادۇرنى كۆپ قېتىم سۇغا چىلاپ يۇيۇۋېتىپ پىشۇرغاندىن كېيىن ئىستېمال قىلىش لازىم. قورساقنى ئېسىلدۇرۇپ، تال-ئاشقازاننى زەخىملەندۈرۈشىدىن ساقلىنىش ئۈچۈن، دادۇرنى كۆپ يېمەسلىك كېرەك.