مېۋە-چېۋىلەرنىڭ ئارىسىدا، شاپتۇل مېۋە شەكلىنىڭ چىرايلىقلىقى، ئېتىنىڭ تاتلىقلىقى بىلەن «ئالەمدىكى بىرىنچى مېۋە» دەپ تەرىپلىنىدۇ. كىشىلەرنىڭ ھەمىشە شاپتۇل ئادەمگە ئوزۇق بولىدۇ دېيىشىدىكى ئاساسلىق سەۋەب، ئۇنىڭ تەبىئىتىنىڭ مۆتىدىل، ئۇزۇقلۇق قىممىتىنىڭ يۇقىرى ئىكەنلىكىدىن ئىبارەت.

ئوزۇقلۇق تەركىبى ۋە رولى

شاپتۇل تەركىبىدە ۋىتامىن B1، ۋىتامىن B2، شۇنىڭدەك كالتسىي، فوسفور، تۆمۈر، كالىي قاتارلىق مىنېرال ماددىلار بار. ئۇنىڭ تەركىبىدىكى تۆمۈرنىڭ مىقدارى ئالما ۋە نەشپۈتنىڭكىدىن 6-4 ھەسسىسچىلىك كېلىدۇ .

        شاپتۇل سۇلۇق ئىشىققا گىرىپتار بولغانلارنىڭ ئىستېمال قىلىشىغا مۇۋاپىق كېلىدۇ، ئۆپكە كېسىلىنى داۋالاشتىمۇ ئالاھىدە ئۈنۈمگە ئىگە. شاپتۇلنىڭ بەدەننى كۈچەيتىپ، قان تولۇقلاش، مەنپىيلىكىنى قۇۋۋەتلەندۈرۈپ، خىلىت پەيدا قىلىش رولى بار بولۇپ، چوڭ كېسەلگە مۇپتىلا بولغاندىن كېيىن تېنى ئاجىزلاپ كەتكەنلەر، چىرايى، سارغىيىپ، جۈدەپ كەتكەنلەر، يۈرىكى سېلىپ، نەپىسى قىسىلىدىغانلار ئىستېمال قىلىپ بەرسە بولىدۇ. 

شاپتۇل مېغىزىدىن ئايرىۋېلىنغان ماددىنىڭ قاننىڭ ئۇيۇشىغا قارشى تۇرۇش رولى بار بھەمدە يۆتەل مەركىزىنى تورمۇزلاپ، يۆتەلنى توختىتىدۇ. شۇنىڭ ۈىلەن بىر ۋاقىتتا، ئۇ يەنە قان بېسىمنى تۆۋەنلىتىدىغان بولۇپ، يۇقىرى قان بېسىم كېسىلىگە گىرىپتار بولغانلارغا قارىتا مۇئەييەن قوشۇمچە داۋالاش رولىنى ئوينايدۇ. شاپتۇل مېغىزىنىڭ قاننى جانلاندۇرۇپ، قېيىپ قالغان قاننى يوقىتىش، ئۈچەينى سىلىقلاپ، چوڭ تەرەتنى راۋانلاشتۇرۇش رولى بار، ئۇنى ھەيز توختاپ قېلىش، يىقىلىپ، ئۇرۇلۇپ زەىىملىنىش قاتارلىقلارنى قوشۇمچە داۋالاشقا ئىشلىتىشكە بولىدۇ.

ئىستېمال قىلىشتا بىلىۋېلىشقا تېگىشلىك ئىشلار

قەدىمىي تېبابەتچىلىك كىتابلىرىدا خاتىرىلىنىشىچە، شاپتۇل مېۋىسىنىڭ ئازراق زەھىرى بار بولۇپ، زىيادە كۆپ يېيىشكە بولمايدىكەن. لى شىجېن «توڭ شاپتۇلنى كۆپ يېسە، ئادەمنىڭ قورسىقىنى ئېسىلدۇرىدۇ ھەم چىيقان چىقىدۇ، زىيىنى باركى، پايدىسى يوق» دېگەن. توڭ، سېسىپ قالغان شاپتۇلنى يېمەسلىك كېرەك. 

دىئابېت كېسىلىگە گىرىپتار بولغانلار شاپتۇل يېىشتە ئېھتىيات قىلىشى لازىم، ئاشقازان-ئۈچەي ئىقتىدارى ناچارلار ۋە ياشانغانلار، كىچىك بالىلار شاپتۇلنى ككپ يېمەسلىكى لازىم. شاپتۇل مېغىزى جۇڭيى تېبابەتچىلىكىدە ھامىلىدارلىق مەزگىلىدە ئىشلىتىش مەنئى قىلىنىدىغان دورىلارنىڭ بىرى دەپ قارىلىدۇ، شۇڭا ھامىلىدار ئاياللار ئۇنى ئىشلىتىشتە چوقۇم ئېھتىيات قىلىشى لازىم.