قارا شېكەر يەنە قىزىل شېكەرمۇ دېيىلىدۇ، ئۇ يىرىك تازىلانغان قۇمۇش شېكىرىدىن ئىبارەت. ئۇنىڭ تەمى تاتلىق بولۇپ، شېكەر قومۇشنىڭ ئۆزگىچە خۇش پۇرىقىغا ئىگە.

ئوزۇقلۇق تەركىبى ۋە رولى

قارا شېكەر تەركىبىدە كاروتىن، تۆمۈر، كالتسىي قاتارلىقلار بار.

قارا شېكەر ئاياللاردىكى سوغۇق تېگىپ بەدىنى ئاجىزلاشتىن كېلىپ چىقىدىغان ئاغرىتىپ ھەيز كېلىشنى ئۈنۈملۈك ھالدا پەسەيتىدۇ، بالىياتقۇنىڭ قىسقىرىشىنى ئىلگىرى سۈرۈپ، تۇغۇتتىن كېيىن بالىياتقۇ ئىچىدە توختاپ قالغان قاننى چىقىرىپ تاشلاپ، بالىياتقۇنى بالدۇرراق ئەسلىگە كەلتۈرىدۇ. 

قارا شېكەر ھارارەت تولۇقلايدىغان بۇيۇم بولۇپ، ياشانغان، تېنى ئاجىزلار، شۇنىڭدەك ئېغىر كېسەلدىن ئەمدىلا ساقايغانلارغا قارىتا ئىنتايىن ياخشى قۇۋۋەت تولۇقلاش رولىغا ئىگە، قان تومۇر قېتىشىشنى داۋالاشتا بەلگىلىك قوشۇمچە داۋالاش ئۈنۈمى بار.

ئىستېمال قىلىشتا بىلىۋېلىشقا تېگىشلىك ئىشلار

دىئابېت كېسىلى، قان شېكىرى يۇقىرى بولۇش كېسىلىگە گىرىپتار بولغانلار قارا شېكەر ئىستېمال قىلىشتىن پەرھىز تۇتۇشى لازىم. ياشانغانلاردىن مەنپىيلىكى زەئىپلىشىشپ، ئىچىنى ئىسسىق قاپلاپ كەتكەنلەر قارا شېكەرنى كۆپ ئىستېمال قىلماسلىقى لازىم، زىيان كۆپ ئىستېمال قىلسا ئىشتىھاسىغا ۋە ئاشقازان، ئۈچەينىڭ ھەزىم قىلىپ شۈمۈرۈلۈشىگە تەسىر كۆرسىتىدۇ. 

تۇغۇتلۇق ئاياللار تۇغۇتتىن كېيىن مۇۋاپىق مىقداردا قارا شېكەر ئىستېمال قىلىپ بەرسە بولىدۇ، لېكىن ئىستېمال قىلىش ۋاقتى بەك ئۇزۇن بولۇپ كەتمەسلىكى لازىم. ئادەتتە ئۇدا 7-10 كۈن ئىستېمال قىلسا مۇۋاپىق بولىدۇ. 

سوغۇق تېگىپ قورسىقى ئاغرىغانلار قارا شېكەرگە زەنجىۋىل سېلىپ قاينىتىپ ئىچىپ بەرسە، سوغۇقنى ھەيدەش ئۈنۈمى بولىدۇ. 

قارا شېكەرنى كالا سۈتى بىلەن بىللە ئىستېمال قىلماسلىق لازىم. 

قارا شېكەر ئاسانلا غەيرىي پۇراقنى ئۆزىگە سىڭدۈرۈۋالىدۇ، شۇڭا ئۇنى پۇرىقى كۈچلۈك تەم خۇرۇچلىرى بىلەن بىللە قويۇشقا بولمايدۇ، ئۇنى ئەينەك ياكى ساپال قاچىغا سېلىپ، سالقىن، قۇرۇق يەردە قويۇپ ساقلاش كېرەك، ئۇنىڭ سۈپەت مۇددىتى 18 ئاي.