مەھسۇلات نامى: ئومرون ماركىلىق تۇمانلىتىپ داۋالاش ئاپىراتى (ياپونىيەنىڭ)

باشقا خىل تۇمانلىتىپ داۋالاش ئاپىراتلىرىغا قارىغاندا سۈپەتلىك، چىداملىق چىقىدۇ.

ئىشلىتىشكە ماس كېلىدىغان كېسەللەر: ھەرخىل زۇكام بولغان، بۇرۇن ياللۇغى بولغان، ھەرخىل ھۆتەل، شاخچە كاناي ياللۇغى قاتارلىق ھەرخىل نەپەسلىنىش كېسەللىكلىرىگە ياخشى ماس كېلىدۇ.

ئىشلىتىش ئۇسۇلى: شىللانكىنىڭ بىر ئۇچىنى ئاپىراتنىڭ شىللانكا ئېغىزىغا چاتىمىز، يەنە بىر ئۇچىنى سۇيۇقلۇق دورا قۇتىسىنىڭ ئاستىدىكى ئېغىزىغا چاتىمىز. سۇيۇقلۇق دورا قۇتا ئىچىگە 2-7 گىرام ئەتىراپىدا سۇيۇقلۇق دورىنى تەڭشەپ قويىمىز. (ياشنىڭ چوڭ-كىچىكلىكىگە، كېسەللىك ئەھۋالىغا قارىتا تەڭشەپ قويىمىز. دوختۇرنىڭ كۆرسەتمىسى بويىچە تەڭشەپ قويىسىز.)

تۇمانلىق دورا سۈمۈرۈش ۋاقتى: ئادەتتە ياشنىڭ چوڭ-كىچىكلىكىگە قارىتا ئوخشاش بولمايدۇ. كىچىك بالىلار كۆپ سۈمۈرىۋىتىشكە بولمايدۇ. (دوختۇرنىڭ كۆرسەتمىسى بويىچە سۈمۈرۈڭ) ئادەتتە 5-10 مىنۇت ئەتىراپىدا مۇۋاپىق.

تۇمانلىتىپ داۋالاش ئاپىراتىنى ئىشلىتىش ۋاقتى: ئاپىراتنىڭ ئىشلەش ۋاقتى ئەڭ ئۇزۇن بولغاندىمۇ 20 مىنۇتتىن ئېشىپ كەتمەسلىكى كېرەك. بىرقانچە ئادەم بىللە تۇمانلىتىپ داۋالاش قىلماقچى بولسا 20 مىنۇتتىن كېيىن ئۆچۈرۋىتىپ 40 مىنۇت ئارام ئالدۇرۇش كېرەك. (ئاپىراتنى ئاسىراپ ئىشلەتسىڭىز ئۇزۇن يىل مەسىلە كۆرۈلمەيدۇ.)

دىققەت قىلىدىغان ئىشلار: سۇيۇقلۇق دورا قۇتىسىنى يانتۇ ھالەتتە بەك ئىگىز كۆتۈرۋىتىشكە بولمايدۇ. 45 گىرادۇستىن يانتۇ بولماسلىقى كېرەك. بولمىسا سۇيۇقۇق دورا قۇتىسى ئىچىگە تەڭشەپ قويغان سۇيۇقلۇق دورا تۆكۈلۈپ كېتىدۇ. ئىشلىتىپ بولۇپ شىللانكىلىرىنى ۋە سۇيۇقلۇق دورا قۇتىسىنى پاكىزە يۇيۇپ دىنزىنفىكسىيە قىلىمىز. تولۇق قۇرۇپ بولغاندىن كېيىن ئاندىن قاپقا سېلىپ بالىلارنىڭ قولى يەتمەيدىغان يەرگە ئېلىپ قويۇڭ.